Dis mos Groepwerk!

Die Gr.9 Afrikaanse klas het met ‘n pragtige poging van spanwerk vorendag gekom met ‘n taak wat ‘n toespraak, nuwe verkeersreëls en bouplanne ingesluit het.  Die leerlinge het saam ‘n plan beraam om die skool op te knap deur ‘n nuwe parkeeringsarea op te rig. Bouplanne, verkeerstekens en ‘n navorsingstaak was ingehandig. Hulle het werklik uitstekende navorsing gedoen en tot  op die sent bereken wat die boukostes sou uitwerk. As groep wil hulle net baie dankie sê vir hul juffrou, Mev. M. Jamneck, se ondersteuning en bystand.